Harmonikutúrurin við Norrønu 2012
Teir bólkar og einstaklingar, ið ætla sær at spæla umborð á Norrønu á harmonikutúrinum, skulu melda til hjá Kára Mikkelsen á telefon 216880. Treytin fyri at luttaka er, at harmonikan er tað berandi instumentið í bólkinum og ikki bert ein viðfáningur fyri at kunna luttaka.
Tónleikararnir eru sjálvandi við ókeypis.
Lýsingin hjá Smyril Line er so ljóðandi:
20. September klokkan 21.00 til 24. September klokkan 05.00 Tórshavn - Hirtshals
Harmonikurnar verða tiknar framaftur. Harmonikufelagið og Smyril Line fara at gera eitt brak av einum túri í september. Harmonikurnar verða 7-faldaðar og verða at hoyra í hvørjum horni umborð á Norrönu - antin tað verður í Saga Café´ini, Naustini ella Sky Bar. Skráin er ikki endalig gjørd enn, men fylg við á síðuni og dagfør teg við tí frálíku skrá, ið liggur fyri framman. Prísur úr einans: 975,- fyri hvønn, tá 4 ferðast saman.